Piensijanier častku hrošaj schavaŭ pad mostam, a astatniaje pieraličyŭ na rachunak nieznajomca
U minskuju milicyju źviarnuŭsia 76‑hadovy žychar stalicy. Jon razam z žonkaj staŭ achviaraj machlarstva i zadekłaravaŭ 15 tysiač dalaraŭ, piša «Milicyja Minska».
Pa zadańni telefonnych ašukancaŭ piensijanier pakinuŭ skrutak z hrašyma pad mostam, a na nastupny dzień pajšoŭ na poštu i pieraličyŭ na rachunak nieznajomca astatnija srodki sa svajoj bankaŭskaj karty i karty žonki.
Mužčynu padmanuli pa schiemie zamieny damafona i paprasili nazvać kod z sms-paviedamleńnia. Potym jamu znoŭ patelefanavali i stali pahražać kryminalnaj adkaznaściu za kantakt sa złačyncami.
Piensijanier spałochaŭsia i pahadziŭsia «zadekłaravać» svaje źbieražeńni, kab ich nie kanfiskavali padčas pieratrusu. Tady jon usio raskazaŭ žoncy. Žančyna taksama nie raspaznała padman, dapamahła mužu sabrać hrošy i navat vyklikała dla jaho taksi.
Ašukanstva vyjaviłasia tolki tady, kali pažyłyja muž i žonka paviedamili ab zdareńni synu.