Pieršy tydzień vajny ŭ Iranie kaštavaŭ amierykanskamu biudžetu 6 miljardaŭ dalaraŭ
Pieršy tydzień aktyŭnych bajavych dziejańniaŭ suprać Irana kaštavaŭ biudžetu ZŠA prykładna 6 miljardaŭ dalaraŭ. Pra heta paviedamlaje The New York Times sa spasyłkaj na krynicy ŭ Ministerstvie abarony ZŠA i Kanhresie.
Fota: Majid Saeedi/Getty Images
Z hetaj sumy kala 4 miljardaŭ dalaraŭ byli vydatkavanyja na bojeprypasy, u pieršuju čarhu na rakiety-pierachopniki, jakija vykarystoŭvalisia dla adbićcia rakietnych udaraŭ u adkaz z boku Irana. Analityki adznačajuć, što siarednija štodzionnyja vydatki Vašynhtona składajuć kala 850—900 miljonaŭ dalaraŭ.
Paviedamlajecca, što z pačatku kanfliktu amierykanskija i izrailskija siły nanieśli kala 4 tysiač udaraŭ pa abjektach na terytoryi Irana, u tym liku pa pazicyjach balistyčnych rakiet, vajskovych štabach i abjektach vajskova-marskich sił.
ZŠA i Izrail pačali apieracyju suprać Irana 28 lutaha. U adkaz Tehieran atakavaŭ amierykanskija abjekty ŭ krainach — sajuźnicach Vašynhtona na Blizkim Uschodzie. Paciarpieli šerah dziaržaŭ rehijona, u tym liku Abjadnanyja Arabskija Emiraty, Kuviejt, Iardanija, Bachrejn i Saudaŭskaja Aravija. Taksama paviedamlałasia pra paškodžańnie ŭ vyniku ŭdaru bieśpiłotnika budynka mižnarodnaha aeraporta ŭ azierbajdžanskaj Nachičevani.
Čytajcie taksama:
Uitkaf nastojliva paprasiŭ Rasiju nie dapamahać Iranu raźvieddanymi
Apakalipsis u Tehieranie: paśla ŭdaraŭ pa naftabazach na horad vypaŭ kisłotny doždž
ZŠA i Izrail atakavali schovišča nafty ŭ Tehieranie. Uźnik mocny pažar
Tramp abvinavaciŭ Tehieran va ŭdary pa iranskaj škole dla dziaŭčynak