ZŠA i Izrail atakavali schovišča nafty ŭ Tehieranie. Uźnik mocny pažar
Husty dym zapoŭniŭ nieba nad Tehieranam.
Słupy połymia ŭźnialisia nad naftaschoviščam u Tehieranie pozna ŭ subotu, kali Izrail nanios čarhovyja avijaŭdary. Miarkujučy pa ŭsim, heta byŭ pieršy vypadak, kali metaj vajny staŭ hramadzianski pramysłovy abjekt, paviedamlaje AP.
Mahutny vybuch skałynuŭ Tehieran pozna ŭ subotu, słupy połymia ŭźnialisia nad naftaschoviščam u Tehieranie paśla taho, jak premjer-ministr Izraila Bińjamin Nietańjachu paabiacaŭ «šmat siurpryzaŭ» na nastupnym etapie kanfliktu, jaki doŭžycca bolš za tydzień.
Izrailskija vajskoŭcy paćvierdzili, što nanieśli ŭdar pa schoviščach paliva ŭ Tehieranie: «Vajskovyja siły iranskaha terarystyčnaha režymu naŭprost i časta vykarystoŭvajuć hetyja paliŭnyja reziervuary dla zabieśpiačeńnia pracy vajskovaj infrastruktury. Praź ich iranski terarystyčny režym raźmiarkoŭvaje paliva roznym spažyŭcam, uklučajučy vajskovyja struktury ŭ Iranie».