Biełaruś na druhim miescy ŭ śviecie pa zakupkach rasijskaha miasa
Biełaruś zaniała druhoje miesca siarod najbujniejšych pakupnikoŭ rasijskaha miasa pa vynikach 2025 hoda. Pavodle danych rasijskaha «Ahraekspartu», abjom biełaruskaha impartu skłaŭ 433 miljony dalaraŭ, što na 50% bolš, čym hodam raniej.
Zdymak ilustracyjny. Fota: «Naša Niva»
U cełym ekspart miasa i charčovych miasnych subpraduktaŭ z Rasii pieravysiŭ 2,2 miljarda dalaraŭ, pavialičyŭšysia na 21% za hod. U struktury pastavak pa 44% prypała na miasa ptuški i śvininu, jašče 12% — na jałavičynu. Asabliva zaŭvažna vyraśli pastaŭki śvininy — na 41%, da 943 miljonaŭ dalaraŭ, a pastaŭki miasa ptuški dasiahnuli 946 miljonaŭ dalaraŭ.
Najbujniejšym pakupnikom rasijskaha miasa zastajecca Kitaj z abjomam 682 miljony dalaraŭ. Na trecim miescy znachodzicca Saudaŭskaja Aravija z pakazčykam 273 miljony dołaraŭ. U piaciorku taksama ŭvachodziać Vjetnam i Kazachstan.
Čytajcie taksama:
Biełaruś apynułasia na trecim miescy pa zakupkach ilnianoha aleju z Rasii