Centrabank Šviecyi zaklikaŭ hramadzian źniać najaŭnyja hrošy na vypadak vajny
Z raźliku 110 jeŭra na čałavieka na tydzień.
Fota: Karol Serewis / SOPA Images / LightRocket via Getty Images
Centralny bank Šviecyi (Sveriges Riksbank) zaklikaŭ hramadzian krainy trymać doma zapas najaŭnych hrošaj na tydzień — 1000 šviedskich kron (kala $110) na čałavieka, kab u vypadku vajny, kibierataki abo kryzisu možna było nabyć pradukty, leki i pradmiety pieršaj nieabchodnaści, paviedamlaje Bloomberg.
Akramia najaŭnych hrošaj, šviedam rekamiendujecca mieć karty niekalkich bankaŭ i karystacca miascovym servisam anłajn-płaciažoŭ Swish.
U centrabanku tłumačać, što dostup da roznych sposabaŭ apłaty źnižaje ryzyku zastacca biez mahčymaści pravodzić płaciažy ŭ vypadku časovych zbojaŭ u pracy finansavaj sistemy.
Płaciežnaja sistema Šviecyi ŭraźlivaja z-za vysokaha ŭzroŭniu ličbavizacyi. Tolki 10% usich płaciažoŭ pravodzicca najaŭnymi hrašyma.