Pamior Aleś Astraŭcoŭ
Žyćcio piśmieńnika i redaktara časopisa «Jazz-Kvadrat» skončyłasia ŭ 60 hadoŭ.
Aleś Astraŭcoŭ. Fota ź jahonaj staronki ŭ fejsbuku
Aleś Astraŭcoŭ, pavodle adukacyi inžynier, braŭ udzieł u biełaruskim nacyjanalnym i demakratyčnym ruchu jašče z poźniesavieckich časoŭ. Paśla zakančeńnia Biełaruskaha palitechničnaha instytuta niejki čas pracavaŭ inžynieram na zavodzie, a ŭ 1990‑ia trapiŭ na pracu ŭ Muziej Maksima Bahdanoviča, jaki tady ŭznačalvaŭ ciapierašni nobieleŭski łaŭreat Aleś Bialacki.
Inžynier Aleś Astraŭcoŭ razam z tahačasnym dyrektaram Litaraturnaha muzieja Maksima Bahdanoviča Alesiem Bialackim viešajuć ściah na bałkonie muzieja, 24 sakavika 1991 hoda. Aŭtar fota — Siarhiej Čyryk
Taksama jon viadomy jak šef-redaktar časopisa «Jazz-Kvadrat», jaki vychodziŭ u Minsku ŭ papiarovaj viersii z 1997 da 2009 hoda (a potym źjaviŭsia i ŭ internecie). Na praciahu šerahu hadoŭ časopis byŭ adzinym ruskamoŭnym časopisam džazavaj tematyki.
Taksama Aleś Astraŭcoŭ zajmaŭsia litaraturnaj tvorčaściu. Najbolš viadomy jahony tvor — raman «Suła».
Siarod inšaha jon pierakłaŭ z polskaj na biełaruskuju movu znakamity raman Siarhieja Piasieckaha «Zapiski aficera Čyrvonaj Armii».
Apošnija hady Astraŭcoŭ žyŭ u Lidzie. A siońnia ź im raźvitalisia ŭ minskim krematoryi.