Uitkaf: Iran paviedamlaŭ pra mahčymaść stvareńnia 11 jadziernych bombaŭ
Iran na pieramovach u pačatku 2026 hoda paviedamiŭ ZŠA pra najaŭnaść dastatkovaha abjomu ŭzbahačanaha ŭranu dla stvareńnia 11 jadziernych bombaŭ, zajaviŭ u efiry Fox News śpiecpasłańnik amierykanskaha prezidenta Styŭ Uitkaf.
Schiema raźmiaščeńnia kompleksu Kałanh-Haz-Ła. Krynica: The Telegraph
«Na toj pieršaj sustrečy abodva iranskija pieramoŭščyki naŭprost zajavili nam — biez usialakaha soramu — što jany kantralujuć 460 kh 60‑pracentna ŭzbahačanaha ŭranu i što im viadoma, što hetaha dastatkova dla stvareńnia 11 jadziernych bombaŭ», — uspomniŭ Uitkaf.
Pavodle jaho słoŭ, iranskaja delehacyja «hanaryłasia tym, što im udałosia abyści raznastajnyja pratakoły kantrolu i dasiahnuć situacyi, kali im dastupnyja 11 jadziernych bombaŭ».
Uitkaf taksama raspavioŭ, što iranskija pieramoŭščyki zajavili pra najaŭnaść «nieadjemnaha prava» na ŭzbahačeńnie jadziernaha paliva. «My adkazali, što ŭ nas jość nieadjemnaje prava spynić vas», — dadaŭ jon.