Na Čyhirynskim vadaschoviščy rybaki zamiest ryby dastali z vady toje, čaho zusim nie čakali
Usie prysutnyja byli ŭpeŭnienyja: na kručok trapiŭsia hihancki ščupak vahoj pad 20 kiłahramaŭ.
Niezvyčajny vypadak adbyŭsia 27 lutaha padčas zakryćcia siezona zimovaj rybałki na ščupaka. Rybałovy, jakija spadziavalisia na bahaty ŭłoŭ, sutyknulisia z sapraŭdnym lasnym drapiežnikam — žyvoj vydraj, jakaja pakvapiłasia na prynadu, piša FishingBY.
Usio pačałosia na dośvitku, kali kamanda rybakoŭ rasstaviła žerlicy na lodzie Čyhirynskaha vadaschovišča. Uvieś dzień prajšoŭ absalutna cicha, i tolki pad viečar spracavaŭ adziny ściažok.
Katuška pačała imkliva krucicca, i ŭsie prysutnyja byli ŭpeŭnienyja: na kručku — hihancki ščupak vahoj pad 20 kiłahramaŭ. Da pałonki źbiehlisia susiedzi pa lodzie, kab pahladzieć na redkuju zdabyču.
Adnak zamiest ryby z vady pakazałasia hałava źviera. Vyjaviłasia, što žyŭca schapiła trochkiłahramovaja vydra.
Rybaki nie chavali svajho ździŭleńnia, bo taki kloŭ byvaje raz na žyćcio. Niahledziačy na niebiaśpieku (vydra — zubasty i sprytny drapiežnik), rybaki zmahli akuratna vyzvalić žyviołu ad kručka.
Historyja skončyłasia chepi-endam: paśla karotkaj videazdymki na pamiać vydru adpuścili na volu. Choć trafiejnaha ščupaka ŭ toj dzień tak i nie złavili, rybaki pryznalisia, što emocyi ad sustrečy sa źvieram zrabili hetaje zakryćcio siezona niezabyŭnym.