Tramp paviedamiŭ, kolki budzie praciahvacca kampanija ŭ Iranie

Prezident ZŠA Donald Tramp u telefonnaj razmovie z žurnalistam izrailskaha vydańnia The Times of Israel zajaviŭ, što Iranu spatrebiacca «niekalki hadoŭ», kab adnavicca paśla sumiesnych udaraŭ ZŠA i Izraila. Pavodle jaho słoŭ, praciah apieracyi moža składać jak dva—try dni, tak i značna bolš — heta budzie zaležać ad rašeńnia Vašynhtona.

Donald Tramp. Fota: Chip Somodevilla / Getty Images

Tramp adznačyŭ, što moža albo chutka zaviaršyć kampaniju, albo praciahvać jaje daŭžej, i papiaredziŭ: kali Iran pasprabuje adnavić svaje jadziernyja abo rakietnyja prahramy, udary mohuć paŭtarycca. Pry hetym jon padkreśliŭ, što niezaležna ad praciahłaści apieracyi nastupstvy dla Irana buduć doŭhaterminovymi.

Siarod asnoŭnych pryčyn pačatku ŭdaraŭ Tramp nazvaŭ pravał niadaŭnich pieramoŭ, jakija viali jaho śpiecpradstaŭniki. Jon śćviardžaje, što Tehieran nibyta nie byŭ sapraŭdy zacikaŭleny ŭ zaklučeńni jadziernaj damovy z ZŠA i ŭ peŭny momant adstupiŭ ad dasiahnutych pazicyj.

Druhoj pryčynaj, pavodle Trampa, stali šmathadovyja dziejańni Irana, jakija jon acharaktaryzavaŭ jak varožyja. Prezident ZŠA zajaviŭ, što pierad abviaščeńniem apieracyi daručyŭ sabrać źviestki pra ataki, źviazanyja ź Iranam, za apošnija dziesiacihodździ.

Akramia taho, Tramp skazaŭ, što Iran nibyta ŭžo pačaŭ adnaŭlać častku jadziernych abjektaŭ, pa jakich raniej nanosilisia ŭdary. Jon taksama vykazaŭ mierkavańnie, što kali b ZŠA nie atakavali klučavyja jadziernyja abjekty letam minułaha hoda, Iran moh by ŭžo mieć jadziernuju zbroju.

Prezident ZŠA taksama paviedamiŭ, što jaho razmova z premjer-ministram Izraila Bińjaminam Nietańjachu prajšła ŭ pazityŭnym klučy.

Kamientary da artykuła