Ministra Ryžankova zdymajuć z kiraŭnictva Fiederacyi baskietboła
Zamiest jaho pasadu zojmie były handbalist Siarhiej Rutenka, jaki zaraz kiruje tenisam.
Maksim Ryžankoŭ. Fota: Alexander Nemenov Pool Photo via AP
Były hulec zbornaj Biełarusi pa handbole i staršynia Biełaruskaj fiederacyi tenisa Siarhiej Rutenka vyłučany ŭ jakaści kandydata na pasadu staršyni Biełaruskaj fiederacyi baskietboła.
Alaksandr Łukašenka jašče minułaj viasnoj prapanavaŭ źmianić kiraŭnictva Biełaruskaj fiederacyi baskietboła, jakuju ŭznačalvaje ministr zamiežnych spraŭ Maksim Ryžankoŭ.
«Niachaj zajmajecca ministerstvam. A tudy treba znajści mocnaha čałavieka, jaki budzie davać vynik», — kazaŭ Łukašenka.
Ź jahonych słoŭ, u Ryžankova i tak šmat zadač, a ŭ baskietbole nazirajucca prablemy.
Biełaruski baskietboł zaraz znachodzicca ŭ hłybokaj komie. Pa-pieršaje, paśla poŭnamaštabnaha ŭvarvańnia va Ukrainu biełaruski baskietboł znachodzicca ŭ mižnarodnym banie. Biełaruskija kłuby adchilenyja ad jeŭrakubkaŭ i turniraŭ z udziełam zbornych.
Pa-druhoje, vystup minskich «Cmokaŭ» u Adzinaj lizie VTB (faktyčna Adkryty čempijanat Rasii) byŭ vielmi słaby, kamanda niekalki razoŭ daterminova zajmała apošni radok i apošnija hady nie hulaje ŭ im.