U Pakistanie nabirajuć darožnych rabočych dla pracy ŭ Biełarusi
Z 17 lutaha kampanija American International z horada Ravałpindzi nabiraje ludziej va ŭzroście ad 18 da 40 hadoŭ na 24 vakansii darožnych rabočych u Minsku, zaŭvažyła vydańnie «Pozirk».
Zdymak ilustracyjny. Fota: Chudary Naseer/Anadolu via Getty Images
Pavodle infarmacyi na sajcie dziaržaŭnaha Biuro emihracyi i pracaŭładkavańnia za miažoj, prapanavany zarobak składaje 600—700 dalaraŭ ZŠA. Raniej hetaja samaja firma padbirała supracoŭnikaŭ dla pierapracoŭki ryby ŭ Breście.
Taksama ź listapada 2025 hoda zastajucca adkrytymi dźvie vakansii z šaści, prapanavanyja kampanijaj R.B.S. Brothers, jakaja taksama znachodzicca ŭ Ravałpindzi. Jana šukaje niekvalifikavanych rabočych dla pracy ŭ Biełarusi z zarobkam kala 2 500 biełaruskich rubloŭ.
Akramia taho, u Łachory z kanca kastryčnika minułaha hoda sprabujuć nabrać 100 čałaviek dla pracy ŭ Biełarusi pa 11 budaŭničych śpiecyjalnaściach z apłataj 600 dalaraŭ. Adnak pakul hety nabor nie daŭ vyniku. Termin padačy zajavak zakančvajecca 26 lutaha.
Tema supracoŭnictva ŭ hetaj halinie pamiž Biełaruśsiu i Pakistanam uźnikła paśla sustreč biełaruskich i pakistanskich čynoŭnikaŭ. U krasaviku 2025 hoda Alaksandr Łukašenka i premjer Pakistana Šachbaz Šaryf damovilisia raspracavać miechanizm pryjezdu ŭ Biełaruś pakistanskich rabočych. Abmiarkoŭvajecca mahčymaść pryniać u Biełarusi da 100—150 tysiač čałaviek.
Čytajcie taksama:
U Pakistanie ŭžo nabirajuć achvotnych pracavać u Biełarusi
Pakistan abiacaje adpraŭlać u Biełaruś tolki najlepšyja kadry
Biełaruś i Pakistan padpišuć miemarandum ab pracaŭładkavańni
U situacyi z pakistancami ŭłady stali zakładnikami svajoj ža prapahandy i svaich ideałahiem