Pieršy biełaruski markietpłejs staŭ vykarystoŭvać novy hrafičny znak biełaruskaha rubla
Adzin ź biełaruskich markietpłejsaŭ pačaŭ vykarystoŭvać novy hrafičny znak biełaruskaha rubla, zaŭvažyŭ Telegraf.by.
Pieršaj handlovaj placoŭkaj, jakaja pierajšła na novy hrafičny znak biełaruskaha rubla, aficyjna zaćvierdžany Nacbankam u pačatku lutaha, staŭ markietpłejs Emall.
Ciapier na virtualnaj vitrynie handlovaj placoŭki zamiest zvyčajnych BYN abo «rub.» krasujecca novy simvał — vialikaja kiryličnaja litara «B» z haryzantalnaj ryskaj.
Pry pieršym adkryćci staronki karystalniku vyvodzicca abviestka: «Novaje abaznačeńnie valuty. Znajomciesia, heta novy simvał biełaruskaha rubla. Jon zamianiaje zvykły «r.». U sacyjalnych sietkach pačalisia sprečki ab pryhažości i darečnaści simvała.
«Siońnia na emall ŭpieršyniu ŭbačyła novy znak biełaruskaha rubla ŭ abaračeńni. Vielmi adnaznačnyja emocyi vyklikaje… Biełarusy, što dumajecie pa hetym pytańni?» — padzialiłasia karystalnica pad nikam agness.karpach.
U kamientaryjach pačałosia:
- «Prosta niazvykła) a sam znak całkam sabie cikavy)»
- «Jak minimum zručna».
Sam markietpłejs pryjšoŭ u kamientaryi i zajaviŭ:
«Ciapier u tredach kazachi adrazu zrazumiejuć, što vietka biełaruskaja:)»
Vydańnie nahadvaje: prablema z uviadzieńniem novaha hrafičnaha znaka biełaruskaha rubla zaklučajecca ŭ pieršuju čarhu ŭ tym, što jaho pakul aficyjna niama ŭ Junikodzie.
Tolki paśla taho, jak novy znak atrymaje ŭłasny ŭnikalny likavy kod u mižnarodnym standarcie kodaŭ simvałaŭ, jaho možna budzie tak ža lohka i zručna vykarystoŭvać u druku.