Uručeńnie pieršaj pierakładčyckaj premii – 28 maja

28 maja ŭ Litaraturnym muziei Maksima Bahdanoviča (vuł. M. Bahdanoviča, 7a) pry padtrymcy kampanii «Budźma biełarusami!» projdzie ŭračystaje abviaščeńnie i ŭznaharodžańnie łaŭreataŭ pieršaj pierakładčyckaj premii, zasnavanaj sioleta časopisam pierakładnoj litaratury «PrajdziŚviet» i Biełaruskim PEN-centram. Pieramožcy buduć abvieščanyja ŭ troch naminacyjach: 1) «Proza»; 2) «Paezija»; 3) «Publikacyi ŭ časopisie «PrajdziŚviet».

Čakajecca, što ŭ imprezie, prymierkavanaj da hadaviny časopisa, voźmuć udzieł jak sudździ premii (siarod jakich vydaviec i pierakładčyk Źmicier Kołas, navukoviec Hanna Butyrčyk, hałoŭny redfktar časopisa «Dziejasłoŭ» Barys Piatrovič, prezident Biełaruskaha PEN-centra i pierakładčyk Andrej Chadanovič, litaraturaznaŭca Alaksandr Fiaduta, pierakładčyca Maryja Martysievič, litaraturny krytyk Cichan Čarniakievič), tak i pierakładčyki, čyje imiony ŭvajšli ŭ karotkija śpisy premii: Vasil Siomucha, Lavon Barščeŭski, Viera Burłak, Maryna Kazłoŭskaja, Pavał Kaściukievič, Hanna Jankuta, Palina Maślankova i inšyja.

Razbaŭlać litaraturnuju častku prahramy muzyčnaj budzie hurt «Bosaje Sonca».

Viadučyja prahramy — Andrej Chadanovič i Jula Cimafiejeva.

Pačatak a 19-j .

Kamientary da artykuła