Niepaŭnaletnim zabaranili hulać u imhniennyja elektronnyja łatarei
Alaksandr Łukašenka padpisaŭ ukaz № 64 «Ab udaskanaleńni łatarejnaj dziejnaści», jaki ŭnosić źmianieńni ŭ papiaredni ŭkaz № 209 ad 2007 hoda. Hałoŭnaj metaj novaŭviadzieńniaŭ zajaŭlena abarona intaresaŭ niepaŭnaletnich i prafiłaktyka hulniavoj zaležnaści siarod sacyjalna ŭraźlivych hrup nasielnictva.
Zdymak ilustracyjny. Fota: freepik.com
Dakumient vyznačaje strohi ŭzrostavy cenz: u łatarejach nie mohuć udzielničać asoby, maładziejšyja za 18 hadoŭ, a taksama hramadzianie, jakim užo abmiežavany dostup da kazino i inšych azartnych hulniaŭ.
Akramia taho, ukaz vyznačaje miechanizm admovy bankaŭ u praviadzieńni tranzakcyj pa apłacie łatarej dla asob, jakija padpadajuć pad abmiežavańni.
Ciapier papaŭnieńnie hulniavoha rachunku mahčymaje tolki ŭ bieznajaŭnaj formie, i heta maje harantavać, što ŭdzielnik dasiahnuŭ 18 hadoŭ.
Čytajcie taksama:
Biełarus abakraŭ kvateru ŭ Italii i pajšoŭ hulać u łatareju
Tavarnyja znaki servisu kvitki.by pierajšli «Biełaruskim łatarejam»
Biełarusy nie zmohuć rabić staŭki ŭ zamiežnych bukmiekierskich kantorach — što źmienicca