Čynoŭnikaŭ ciapier buduć testavać na viedańnie Kanstytucyi i zakonaŭ

Alaksandr Łukašenka ŭvioŭ abaviazkovy adziny kvalifikacyjny ekzamien dla tych, chto ŭpieršyniu pastupaje na dziaržaŭnuju cyvilnuju słužbu. Adpaviedny ŭkaz byŭ padpisany 19 lutaha.

Fota ilustracyjnaje

U administracyi Łukašenki patłumačyli, što novaŭviadzieńnie nakiravanaje na pavyšeńnie patrabavańniaŭ da budučych čynoŭnikaŭ i ŭnifikacyju padychodaŭ da ich adboru.

Ekzamien budzie prachodzić u formie testavańnia. Test raspracuje Akademija kiravańnia pry Łukašenku, i jon budzie adnolkavym dla ŭsich kandydataŭ. Śćviardžajecca, što heta dapamoža źnizić subjektyŭnaść i vyklučyć pratekcyjanizm pry pryjomie na dziaržaŭnuju słužbu.

Testavańnie praduhledžvaje pravierku viedańnia Kanstytucyi Biełarusi, a taksama inšych asnoŭnych zakanadaŭčych aktaŭ, jakija pavinny viedać usie dziaržaŭnyja słužboŭcy.

Pieralik ekzamienacyjnych pytańniaŭ płanujuć zrabić viadomym zahadzia. Taksama budzie dastupnaja biaspłatnaja demanstracyjnaja viersija testu, jakuju raźmieściać na sajcie Akademii kiravańnia.

Kamientary da artykuła