U rasijskim Omsku asudzili dvuch padletkaŭ pa spravie ab padpale viertalota Mi-8 — im dali pa siem hadoŭ kałonii i hihancki štraf
Padletkaŭ abaviazali vypłacić škodu 668 miljonaŭ rasijskich rubloŭ (pa 8,7 młn dalaraŭ), paviedamlaje TASS.
Fota: Baza
2‑i Uschodni Akruhovy vajskovy sud prysudziŭ dvuch padletkaŭ da siami i siami z pałovaj hadoŭ pazbaŭleńnia voli pavodle spravy ab padpale viertalota Mi-8 na terytoryi vajskovaha aeradroma ŭ Omsku.
Padletkaŭ pryznali vinavatymi va ŭčynieńni teraktu pa papiaredniaj zmovie. Da paŭnalećcia ich buduć utrymlivać u vychavaŭčaj kałonii, a zatym pieraviaduć u kałoniju ahulnaha režymu.
Śledstva ličyć, što ŭ vieraśni 2024 hoda padletki pranikli na terytoryju aeradroma «Omsk-Paŭnočny» i padpalili viertalot z dapamohaj samarobnaj zapalnaj sumiesi. Na praciahu sutak ich zatrymali.
Pavodle źviestak FSB, na dopycie padletki zajavili, što nieviadomy ŭ mesendžary prapanavaŭ im 20 tysiač dalaraŭ za padpał. Śćviardžajecca, što paśla hetaha jany adpravili kurataru videa z padpałam u jakaści spravazdačy.