Ukrainskija drony nanieśli ŭdar pa Čabaksarach na Vołzie
Kiraŭnik Čuvašyi Aleh Nikałajeŭ zajaviŭ, što ŭ horadzie paškodžanyja aŭtamabili. Paciarpiełych i razbureńniaŭ kapitalnych budynkaŭ, ź jahonych słoŭ, niama.
Kiraŭnik Čabaksar Stanisłaŭ Trafimaŭ, u svaju čarhu, paviedamiŭ, što paškodžanyja kvatery ŭ niekalkich damach.
Praz ataki dronaŭ u horadzie časova pierakryty ruch na niekalkich vulicach, škoły z adnym z rajonach pieraviedzieny na dystancyjnaje navučańnie.
Trafimaŭ taksama zajaviŭ, što ŭ vyniku ataki «paškodžany ciepłavy kontur», adnaŭleńniem jakoha zajmajucca avaryjnyja słužby. Ministerstva achovy zdaroŭja Čuvašyi paviedamiła ab adnym paciarpiełym, jakoha ŭ stanie siaredniaj ciažkaści dastavili ŭ balnicu.
Pavodle viersii ŭkrainskich ŚMI, metaj udaru było pradpryjemstva «Usierasijski navukova-daśledčy instytut «Prahres», jakoje vyrablaje kamplektujučyja dla rakiet, dronaŭ i navat avijabombaŭ (KAB).