U Kobrynie chacieli vykraści dzicia? Milicyja pravodzić pravierku
Kobrynski RAUS pravodzić pravierku pa fakcie paviedamleńnia na liniju 102 ab sprobie vykradańnia dziciaci, paviedamlaje abłasnaja milicyja.
U apieratyŭna-dziažurnuju słužbu Kobrynskaha RAUS 16 lutaha kala 08.30 patelefanavali. Milicyjanieram raskazali, što dvoje mužčyn sprabujuć vykraści dzicia i źvieźci na aŭtamabili. Na miesca zdareńnia adrazu ž vyjechaŭ narad.
Milicyja vyśvietliła abstaviny situacyi.
«47‑hadovaja žycharka Kobryna vyjšła z šaścihadovym dziciem z palikliniki. Tudy padjechaŭ baćka chłopčyka — były siabra žančyny, jaki źjaŭlajecca hramadzianinam inšaj dziaržavy, jaki chacieŭ zabrać svajho syna. Raniej mužčyna źviartaŭsia ŭ Kobrynski RAUS, majučy roznahałośsi z sužycielkaj ab miescy pražyvańnia syna Supracoŭniki milicyi rastłumačyli patrabavańni zakanadaŭstva Biełarusi, a taksama toje, što takoha rodu sprečki vyrašajucca ŭ sudzie», — rastłumačyli va UUS Bresckaha abłvykankama.