Francyja vyzvaliła z-pad aryštu rasijski naftavy tankier paśla vypłaty vialikaha štrafu
Francyja vyzvaliła z-pad aryštu naftavy tankier Grinch, jaki ŭvachodzić u «cieniavy fłot» Rasii, paśla vypłaty štrafu ŭ niekalki miljonaŭ jeŭra i troch tydniaŭ stajanki ŭ porcie Fos-siur-Mier. Pra heta paviedamiŭ ministr zamiežnych spraŭ Francyi Žan-Nael Baro.
Francuzskija siły biaruć na abardaž tankier Grinch. Skrynšot ź videa
«Naftavy tankier Grinch pakinie francuzskija vody paśla vypłaty niekalkich miljonaŭ jeŭra i troch tydniaŭ darahoha prastoju ŭ Fos-siur-Mier. Abychod jeŭrapiejskich sankcyj maje svaju canu. Rasija bolš nie zmoža biespakarana finansavać vajnu z dapamohaj «cieniavoha fłotu» kala našych bierahoŭ», — adznačyŭ francuzski ministr.
Tankier Grinch adpraviŭsia z rasijskaha porta Murmansk u pačatku studzienia i chadziŭ pad ściaham Kamorskich astravoŭ, ale kampanija-uładalnik nie zmahła paćvierdzić jurydyčnuju prynaležnaść sudna, za što atrymała štraf.
Ministr Žan-Nael Baro taksama adznačyŭ, što 20‑y pakiet sankcyj ES pavinien nadziejna zabłakavać «cieniavy fłot» Rasii.
Čytajcie taksama:
Rasijski tankier, efiektna zatrymany Francyjaj u Mižziemnym mory, adpuściać płavać dalej
Źjaviłasia VIDEA, jak francuzskija vajskoŭcy biaruć na abardaž tankier rasijskaha cieniavoha fłotu
U Francyi paviedamili padrabiaznaści pra rasijski cieniavy tankier, zatrymany ŭ Mižziemnym mory