Chakiery ŭzłamali bukmiekierski sajt — uciakli danyja tysiač biełarusaŭ
Na sajcie internet-kazino Maxbet adbyłasia maštabnaja ŭciečka: chakiery vykrali asabistyja danyja kala 10 tysiač čałaviek. Ciapier u machlaroŭ jość imiony, telefony i elektronnyja adrasy klijenta.
Nacyjanalny centr zabieśpiačeńnia kibierbiaśpieki zajaviŭ pra incydent vysokaha ŭzroŭniu na resursie TAA «Makśbiet-M».
U vyniku niesankcyjanavanaha dostupu da infarmacyjnaj infrastruktury adbyłasia ŭciečka piersanalnych danych kala 10 tysiač hramadzian.
Złodziei atrymali dostup da proźviščaŭ, imionaŭ, dat naradžeńnia, adrasoŭ elektronnaj pošty i numaroŭ telefonaŭ klijentaŭ, a taksama źviestak ab ich miescy žycharstva.
Z-za maštabu prablemy pracu sajta maxbet.by spynili «da poŭnaha ŭchileńnia pryčyn incydentu».