Małpačka ź Japonii rasčuliła ŭvieś śviet svajoj luboŭju da plušavaj cacki FOTY
U Japonii maleńkaja małpačka pa mianušcy Panč stała sapraŭdnaj zorkaj sacsietak. Karystalnikaŭ kranuli videa i fotazdymki, na jakich šaścimiesiačnaja žyviolina uvieś čas trymaje pry sabie lubimuju miakkuju cacku — plušavaha aranhutanha.
Panč naradziŭsia ŭ lipieni 2025 hoda ŭ zaaparku horada Itykava. Nieŭzabavie paśla źjaŭleńnia na śviet maci admoviłasia ad jaho, tamu supracoŭnikam daviałosia samastojna dahladać i vykormlivać małoha. Kab jon adčuvaŭ siabie spakajniej, jamu dali koŭdry i miakkija cacki. I mienavita plušavy aranhutanh staŭ dla jaho samym darahim siabram.
Na videa vidać, jak Panč abdymaje cacku padčas snu, nosić jaje paŭsiul z saboj i mocna pryciskaje, kali pobač źjaŭlajucca inšyja małpy. Pa słovach supracoŭnikaŭ zaaparka, tak jon adčuvaje siabie ŭ biaśpiecy.
Ciapier Panča pastupova znajomiać ź inšymi makakami. Jon užo pačynaje asvojvacca i robić pieršyja kroki da kamunikacyi, ale ŭsio adno starajecca nie rasstavacca sa svajoj cackaj.
Fotazdymki z małpačkaj chutka razyšlisia ŭ internecie i sabrali tysiačy vodhukaŭ. Mnohija pišuć, što hetyja kadry niemahčyma hladzieć biez emocyj, i pryznajucca, što im chočacca abniać małoha.
Čytajcie taksama:
Amierykanskamu janotu-nielehału vydali biełaruski pašpart
U Babrujskim rajonie zamierzłuju kazulu sahreli starym palito FOTAFAKT