Ź minskaj firmy śpisali 20 tysiač rubloŭ za zvanok u Jehipiet. Ale nichto z supracoŭnikaŭ tudy nie telefanavaŭ
U milicyju źviarnuŭsia dyrektar staličnaj firmy. Jon paviedamiŭ, što apieratar sotavaj suviazi adklučyŭ dla supracoŭnikaŭ svaje pasłuhi, a na bałansie apynułasia zapazyčanaść bolš za 20 000 rubloŭ.
Vyśvietliłasia, što da sierviera minskaj kampanii byŭ atrymany dostup z IP-adrasa inšaj dziaržavy, paviedamlaje telehram-kanał «Milicyja Minska».
Chakiery skarystalisia słaboj abaronaj i zrabili sieryju mižnarodnych zvankoŭ z unutranaha numara arhanizacyi, u tym liku — u Jehipiet i inšyja krainy dalokaha zamiežža.
Raspačata kryminalnaja sprava za niesankcyjanavany dostup da kampjutarnaj infarmacyi.