Jochanes Kłeba staŭ dzieviacirazovym alimpijskim čempijonam i ŭstanaviŭ rekord
Siońnia narviežac na Zimovaj Alimpijadzie zavajavaŭ zołata ŭ łyžnaj estafiecie.
Fota: Lars Baron / Getty Images
Razam ź im biehli dystancyju Emil Iviersen, Marcin Leŭstrom Niuenhiet i Ejnar Chiedehart. Jochanes bieh apošnim i prynios zołata zbornaj Narviehii.
Skrynšot tranślacyi
Na hetaj Alimpijadzie ŭ Kłeba čaćviorty załaty miedal (skijatłon, kłasičny sprynt, raździelny start i siońnia estafieta).
I dziaviataje zołata Alimpijady, pačynajučy z 2018 hoda. Jon abahnaŭ pa kolkaści załatych miedaloŭ takich łyžnikaŭ, jak Maryt Bjorhien, Bjorna Deli i bijatłanista Ule-Ejnara Bjorndalena, u jakich było vosiem załatych miedaloŭ i jakija doŭha trymali hety rekord.
Pryčym u Kłeba buduć jašče dźvie honki na Alimpijadzie.