U Biełaruś viarnulisia dvaccacihradusnyja marazy
Minułaja noč u Biełarusi znoŭ stała sapraŭdnym vyprabavańniem. Pavodle danych Biełhidramieta, u krainu viarnulisia «dvaccatniki», asnoŭny ŭdar choładu pryjšoŭsia na paŭnočna-zachodnija i paŭnočnyja rehijony.
Polus choładu ŭtvaryŭsia na miažy Hrodzienskaj i Viciebskaj abłaściej. Samaja nizkaja tempieratura była ŭ rajonie Łyntupaŭ, u Pastavach i Šarkaŭščynie, dzie słupok apuściŭsia da minus 20 hradusaŭ.
U stalicy maroz byŭ bolš strymanym, ale adčuvalnym — kala minus 11°C.
Tradycyjna samym ciopłym zastaŭsia poŭdzień krainy. Roźnica ŭ tempieratury z poŭnačču krainy była 15 hradusaŭ.
U Brahinie zafiksavali ŭsiaho minus 3,7°C, a ŭ Mazyry i Lelčycach tempieratura trymałasia ŭ miežach minus 5 …— 6°C.