U Kazachstanie zatrymali śviatara, jaki krytykavaŭ RPC. Jamu inkryminujuć zachoŭvańnie i ŭžyvańnie narkotykaŭ
U noč na 13 lutaha ŭ Ałmaty supracoŭniki pravaachoŭnych orhanaŭ Kazachstana zatrymali byłoha ijeramanacha Astanajskaj i Ałmacinskaj jeparchii RPC Iakava (Uładzimira) Varancova. Pra heta «Ahienctvu» paviedamiŭ jaho advakat Hałym Nurpieisaŭ.
Fota: sacsietki
Zaraz z Varancovym «pravodziacca pracedury dasudovaha śledstva», udakładniła vydańnie.
U Departamiencie palicyi Ałmaty raskazali, što ŭ śviatara znajšli «paraškapadobnyja rečyvy», a sam Varancoŭ užyvaŭ narkotyki. Pa słovach Nurpieisava, jamu inkryminujuć niemiedycynskaje spažyvańnie narkatyčnych srodkaŭ.
Varancoŭ naradziŭsia ŭ Kazachstanie i da 2023 hoda słužyŭ u Ruskaj pravasłaŭnaj carkvie ŭ Kazachstanie. Jon vystupiŭ z krytykaj paŭnamaštabnaha ŭvarvańnia va Ukrainu, paśla čaho jaho pazbavili sanu.
Paśla hetaha Varancoŭ paviedamiŭ, što źbirajecca stvaryć u Kazachstanie niezaležnuju ad RPC pravasłaŭnuju carkvu, adnak miascovyja ŭłady admovilisia rehistravać prychod.