Komiku Nurłanu Saburavu moža pahražać ad 7 da 12 hadoŭ u Kazachstanie pa artykule «Najomnictva»

Za 10 mini-matacykłaŭ, jakija jon pieradaŭ na patreby «SVA» ŭ lipieni 2025 hoda, piša Mash.

Videa, zapisanaje Saburavym, źjaviłasia ŭ sacsietkach jašče letam minułaha hoda, ale šyroka nie raspaŭsiudžvałasia. Na im jon prezientuje 10 novych usiedarožnych mini-matacykłaŭ, jakija kupiŭ i pieradaŭ motabataljonu «Lehijon Vahniera «Iskra»» pad kamandavańniem Hieroja Rasii z pazyŭnym «Racibor».

Videa pahladzieli ŭłady Kazachstana, i ciapier Saburavu pahražaje pravierka i patencyjnaja kryminalnaja adkaznaść za najomnictva — u ramkach artykuła 170 KK RK.

U Kazachstan Nurłan viarnuŭsia 20 lutaha — paśla rašeńnia ab zabaronie jamu ŭjezdu ŭ Rasiju na 50 hadoŭ. Pavodle infarmacyi TASS, ujezd komiku zabaranili «z-za krytyki SVA», a taksama parušeńnia mihracyjnaha i padatkovaha zakanadaŭstva.

Kazachstanski stendap-komik atrymaŭ viadomaść u Rasii, vystupajučy na telekanale TNT i ŭ YouTube-šou «Što było dalej?». Naradziŭsia ŭ 1991 hodzie ŭ Ściepnahorsku (Akmalinskaja vobłaść), karjeru pačaŭ u Jekaciarynburhu, hulajučy ŭ KVZ. Z 2014 hoda žyŭ i pracavaŭ u Maskvie.

Paśla 2022 hoda jaho vykazvańni na palityčnyja temy nieadnarazova vyklikali skandały i pryvodzili da admieny kancertaŭ u Rasii.

Kamientary da artykuła