Na Šry-Łancy ŭ 37 hadoŭ pamior biełaruski kinapradziusar Andrej Matałyha
Mužčyna pajechaŭ na vostraŭ na zimoŭku.
Fota: asabisty archiŭ
Andrej Matałyha pracavaŭ u śfiery rekłamy i kino jak apieratar i pradziusar. Jaho nie stała ŭ noč na piatnicu 6 lutaha. Pa papiaredniaj infarmacyi, u mužčyny zdaryŭsia sardečny prystup. Jamu było 37 hadoŭ.
«Jon pajechaŭ na zimoŭku na Šry Łanku, u siorf-kemp dla ajcišnikaŭ. Jon byŭ prychvareŭšy, ale ničoha asablivaha. Jaho znajšli rankam u łožku ŭ zvyčajnaj pozie čałavieka, jaki spaŭ», — raskazali jaho znajomyja.
Dakładnuju pryčynu śmierci vyznačyć uskryćcio.
Andrej — vypusknik Biełaruskaha ŭniviersiteta infarmatyki i radyjoelektroniki i Bałtyjskaj škoły kino i miedyja. Jak kinaapieratar jon pracavaŭ na zdymkach takich stužak, jak White Rabbits (2023), The End of the Chain (2017), Roof Knocking (2017).
Apošnim časam mužčyna žyŭ u Bierlinie i byŭ zaniaty ŭ kampanii Vocal Image, dzie zajmaŭ pazicyju kreatyŭnaha pradziusara.
Fota: asabisty archiŭ