Za hod u Polščy vyjavili kala 1400 biełarusaŭ-nielehałaŭ
U 2025 hodzie polskija pamiežniki vyjavili 1394 hramadzian Biełarusi, jakija nielehalna znachodzilisia ŭ Polščy. Heta mienš, čym u 2024 hodzie, kali vyjavili 1655 čałaviek, piša «Most» pavodle statystyki Pahrasłužby.
U asnoŭnym biełarusy-nielehały nie chavalisia ŭ krainie, a trapili ŭ pole zroku na pamiežnych pierachodach, kali pakidali Polšču z praterminavanaj vizaj abo DNŽ. Tak, 933 čałavieki vyjavili na polska-biełaruskaj miažy, jašče 12 biełarusaŭ zatrymali na miažy z Rasijaj, 6 — z Ukrainaj i 6 — u aeraportach.
Unutry krainy pamiežniki zatrymali 437 hramadzian Biełarusi, jakija nie majuć prava znachodzicca ŭ Polščy.
Akramia taho, u 2025 hodzie Pamiežnaja słužba vyjaviła 798 hramadzian Biełarusi, jakija nielehalna pracavali ŭ Polščy. U 2024 hodzie takich vypadkaŭ było 902.
Za 2025 hod Pamiežnaja słužba pieradała ŭ inšyja krainy pavodle Dublinskaha rehłamientu 14 hramadzian Biełarusi, jakija chadajničajuć ab mižnarodnaj abaronie ŭ Polščy, i pryniała 48 biełarusaŭ, jakija prasili prytułku ŭ inšych krainach, majučy polskuju vizu ci DNŽ.