U Hrodnie studentaŭ-zamiežnikaŭ adličyli i vysłali z krainy za parušeńni PDR
Razhlad ich spravy praviali publična.
Z Hrodzienskaha dziaržaŭnaha ŭniviersiteta imia Janki Kupały adličyli dvuch studentaŭ-zamiežnikaŭ, jakija parušali praviły darožnaha ruchu. U adnaho ź ich za čas znachodžańnia ŭ Biełarusi nazapasiłasia 10 pratakołaŭ, u druhoha — 13.
Va ŭniviersitecie prajšoŭ publičny razhlad ich spravy ŭ prysutnaści milicyi i inšych zamiežnych studentaŭ. Vynikam stała rašeńnie: abodvuch adličyli z VNU, a Ministerstva ŭnutranych spraŭ pryniało pastanovu ab ich departacyi z krainy. Akramia taho, maładym ludziam zabaranili ŭjezd u Biełaruś na bližejšyja dva hady.