Kiraŭnik MZS Irana raskazaŭ, jakim budzie adkaz na ataku ZŠA
U vypadku napadu z boku ZŠA Iran naniasie ŭdary pa amierykanskich bazach u susiednich krainach Piersidskaha zaliva, zajaviŭ kiraŭnik Ministerstva zamiežnych spraŭ Irana Abas Arahčy ŭ intervju Al Jazeera paśla pieramoŭ z Vašynhtonam u Amanie.
Fota: Morteza Nikoubazl/NurPhoto via Getty Images
«Kali Iran padvierhniecca napadu, my ŭdarym pa amierykanskich bazach u rehijonie», — skazaŭ jon.
Pry hetym Arahčy padkreśliŭ, što takaja ataka nie budzie napadam na susiednija krainy, pakolki isnuje roźnica «pamiž napadam na bazy i napadam na susiednija dziaržavy». Jon dadaŭ, što ryzyka vajny isnuje, i Iran hatovy da luboha scenaru.
Napiaredadni ŭ Maskacie adbylisia ŭskosnyja pieramovy Irana i ZŠA pry pasiarednictvie Amana. Arahčy nazvaŭ ich «dobrym startam», paviedamiŭšy pra abmien punktami hledžańnia ŭ «pazityŭnaj atmaśfiery», ale adznačyŭ, što praciah zaležyć ad «kansultacyj u našych stalicach».
U toj ža čas baki damovilisia pra pradaŭžeńnie pieramoŭnaha pracesu, adnak farmat i daty nastupnych raŭndaŭ buduć vyznačanyja padčas dalejšych kansultacyj pry pasiarednictvie kiraŭnika MZS Amana Badra al-Busaidy.
Arahčy paviedamiŭ, što praviedzienyja pieramovy tyčylisia vyklučna jadziernaj prablemy.