U Litvie pierachapili siem hruzaŭ, dastaŭlenych pavietranymi šarami, i zatrymali dvuch čałaviek
U piatnicu supracoŭniki Słužby achovy dziaržaŭnaj miažy Litvy (VSAT) pierachapili siem partyj cyharet, dastaŭlenych pavietranymi šarami ź Biełarusi, i zatrymali dvuch čałaviek, jakich padazrajuć u datyčnaści da hetaj kantrabandy, paviedamlaje LRT.
Fota: VSAT
U piatnicu supracoŭniki Słužby achovy dziaržaŭnaj miažy Litvy (VSAT) pierachapili siem partyj cyharet, dastaŭlenych pavietranymi šarami ź Biełarusi, i zatrymali dvuch čałaviek, jakich padazrajuć u datyčnaści da hetaj kantrabandy.
Kantrabandu kanfiskavali ŭ Varenskim i Łaździjskim rajonach, a taksama na terytoryi samakiravańnia Druskininkaj. Adznačajecca, što heta najbolšaja kolkaść takich hruzaŭ, pierachoplenych VSAT za adny sutki ŭ hetym hodzie.
Da dastaŭlenych hruzaŭ, jak heta zvyčajna byvaje ŭ takich vypadkach, byli prymacavanyja GPS-pryłady.
Usiaho ŭ piatnicu paśla hetych zatrymańniaŭ na składy pamiežnikaŭ pastupiła 12,7 tysiačy pačkaŭ nielehalnych cyharet. Pa fakcie niezakonnaha abaračeńnia padakcyznych tavaraŭ raspačata dasudovaje rasśledavańnie.