U Puchavickim rajonie zahinuŭ kiroŭca, jaki jeździŭ na letnich šynach
DTZ sa śmiarotnym vynikam adbyłosia ŭviečary 6 lutaha na aŭtadarozie M-5 «Minsk — Homiel» u Puchavickim rajonie.
Kala 20:40 30‑hadovy kiroŭca aŭtamabila Ford, ruchajučysia ŭ bok Asipovičaŭ, straciŭ kantrol nad mašynaj i ŭrezaŭsia ŭ trosavuju aharodžu. Paśla ŭdaru aŭtamabil adkinuła na krajniuju pravuju pałasu, dzie ŭ jaho ŭrezaŭsia Infiniti, jakim kiravaŭ 44‑hadovy mužčyna.
U vyniku avaryi kiroŭca Ford zahinuŭ na miescy. Jaho 54‑hadovaja pasažyrka atrymała traŭmy i była dastaŭlenaja ŭ balnicu.
Paźniej stała viadoma, što na zadniaj vosi aŭtamabila Ford stajali letnija šyny.