Z paniadziełka znoŭ čakajucca mocnyja marazy
Prahnoz nadvorja na 7—9 lutaha.
U subotu na bolšaj častcy terytoryi krainy projduć apadki (śnieh, mokry śnieh, na poŭdni z daždžom). Na asobnych učastkach daroh hałalodzica.
Nočču tempieratura składzie ad -2°S pa paŭdniovym zachadzie da -10°S pa paŭnočnym uschodzie krainy; maksimalnaja dniom -1..-7°S. Atmaśfierny cisk istotna nie źmienicca.
U niadzielu ŭnačy na bolšaj častcy terytoryi krainy projdzie śnieh, mokry śnieh, dniom pa poŭdni krainy — nievialiki karotkačasovy śnieh. Unačy miescami słaby hałalod. Na asobnych učastkach daroh hałalodzica. Viecier paŭnočna-ŭschodni ŭmierany, dniom paryvisty.
Nočču ad -5°S pa paŭdniovym zachadzie da -17°S pa poŭnačy krainy, maksimalnaja tempieratura dniom -7..-13°S, u zachodnich i paŭdniovych rajonach -4..-6°S.
U paniadziełak umovy nadvorja budzie vyznačać antycykłon, sfarmavany ŭ arktyčnaj pavietranaj masie, jaki pieramiaščajecca z poŭdnia Finlandyi na Biełaruś.
Miescami słaby tuman, namaraź, na darohach hałalodzica. Viecier pieramiennych napramkaŭ umierany.
Nočču -18..-24°S, miescami da -28°S, u asobnych rajonach pa zachadzie Biełarusi -16..-17°S; maksimalnaja dniom -8..-15°S.
Nadvorje ŭ Minsku na nastupnyja dni pavodle gismeteo.by