«Tempieratura była plus 15 hradusaŭ». Pad Viciebskam dzieci vučylisia ŭ chałodnych kłasach
U adnoj sa škoł Viciebskaha rajona nie vykonvałasia nieabchodnaja tempieratura. Pryčynaj stali styki akonnych prajomaŭ.
Parušeńni padčas rejdu vyjavili supracoŭniki prakuratury Viciebskaha rajona. U dvuch kabinietach pačatkovych kłasaŭ było plus 15 hradusaŭ, što nižej za ŭstanoŭlenyja normy.
Pavodle pastanovy ŭrada №525, tempieratura pavietra ŭ kłasach u chałodny pieryjad hoda dla dziaciej ad 7 hadoŭ pavinna być +18—20 °C.
«Pa vynikach abśledavańnia ŭstanoŭlena, što asnoŭnaj pryčynaj panižanaj tempieratury stała parušeńnie hiermietyčnaści stykaŭ akonnych prajomaŭ. Nazvanyja defiekty pryvodzili da pastajannaha praniknieńnia chałodnaha pavietra ŭ pamiaškańni, što nie dazvalała padtrymlivać narmatyŭny tempieraturny režym navat pry poŭnaj nahruzcy sistemy aciapleńnia», — paviedamlaje Hienprakuratura.
U vyniku dyrektaru škoły było vyniesiena pradpisańnie z patrabavańniem likvidavać parušeńni. Zaraz tempieratura adpaviadaje sanitarna-epidemijałahičnym patrabavańniam