Biełarusa, jaki ledź nie zabiŭ dzicia ŭ aeraporcie «Šaramiećcieva», adpravili na prymusovaje lačeńnie
Hramadzianina Biełarusi Uładzimira Vicikava, jaki minułym letam napaŭ na dzicia ŭ maskoŭskim aeraporcie «Šaramiećcieva», sud nakiravaŭ na prymusovaje lačeńnie, paviedamlaje «Kommiersant».
Uładzimir Vicikaŭ (sprava na piarednim płanie) u sudzie. Fota: TASS
«Pryznačyć Vicikavu prymusovyja miery miedycynskaha charaktaru, źviazanyja sa źmiaščeńniem u psichijatryčny stacyjanar zakrytaha typu ź intensiŭnym nahladam», — skazali ŭ sudzie.
U červieni 2025 hoda ŭ ŚMI źjaviłasia videa, na jakim mužčyna ŭ zonie prylotu aeraporta chapaje małoha i ź vialikaj siłaj kidaje jaho na padłohu. Paśla zdareńnia Vicikava aryštavali. Padčas sudovaha razboru jon pryznaŭ svaju vinu i paviedamiŭ, što raniej znachodziŭsia na ŭliku z dyjahnazam «šyzafrenija».
Śledstva ŭstanaviła, što ŭ momant incydentu mužčyna byŭ pad uździejańniem narkotykaŭ. Paciarpiełaha chłopčyka ŭ lipieni vypisali z balnicy. Suprać Vicikava była raspačataja kryminalnaja sprava pa fakcie zamachu na zabojstva, ździejśnienaha ŭ stanie biesśviadomaści.
Čytajcie taksama:
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie
Biełarusa, jaki kinuŭ dzicia hałavoj ab padłohu ŭ «Šaramiećcieva», pryznali nieadekvatnym