Ekśpierty nazvali pryčynu pažaru ŭ stolinskaj kvatery, kali byli špitalizavanyja 10 čałaviek
Pažar adbyŭsia 20 śniežnia na trecim paviersie adnaho z damoŭ pa vulicy Haharyna.
Supracoŭnikami MNS byli vyratavanyja siamiora dziaciej (ź ich piaciora ad 3 da 8 hadoŭ, dvoje padletkaŭ va ŭzroście 15—18 hadoŭ), a taksama troje darosłych, jakija byli špitalizavanyja va ŭstanovu achovy zdaroŭja.
Pieršapačatkova razhladałasia viersija ŭźniknieńnia pažaru z-za niaspraŭnaści śviatłodyjodnaj stužki, raźmieščanaj pa pierymietry ściany zały.
Adnak padčas praviadzieńnia daśledavańnia ekśpiertam upraŭleńnia Dziaržkamiteta sudovych ekśpiertyz pa Bresckaj vobłaści byŭ ustanoŭleny ačah pažaru, jaki znachodziŭsia ŭ zale — u kanapie. Pryčynaj stała hulnia z zapałkami.