Epštejn rabiŭ hienietyčny test. «Tam skazana, što ja ź Biełarusi»
Siarod apublikavanych fajłaŭ amierykanskaha finansista Džefry Epštejna, jaki byŭ asudžany za seksualnyja złačynstvy i pamior u turmie, jość zhadka pra jaho hienietyčnyja testy.
Džefry Epštejn. Fota: Rick Friedman/Rick Friedman Photography/Corbis via Getty Images
Jak vynikaje ź listoŭ Epštejna Barysu Nikoliču, vienčurnamu inviestaru i byłomu daradcu Hiejtsa, finansist u 2013 hodzie rabiŭ hienietyčny test i dasyłaŭ jaho kampanii 23andMe, jakaja pravodzić takija daśledavańni. U adkazie było skazana, što jon jaŭrej i maje karani ź Biełarusi.
«Vyniki pryjšli z 23andMe, cudoŭnyja, davaj pahavorym siońnia», — pisaŭ Epštejn. Krynica: dakumienty, vykładzienyja Ministerstvam justycyi ZŠA
«Tam skazana, što ja ź Biełarusi, ja jaŭrej i zaŭsiody budu miłym», — pisaŭ Epštejn. Krynica: dakumienty, vykładzienyja Ministerstvam justycyi ZŠA
Džefry Epštejn vyras u jaŭrejskaj siamji ŭ Bruklinie (Ńju-Jork). Jaho maci — Palin Stałofski, baćka — Siejmur Džy Epštejn.
Cikava, što siarod fajłaŭ Epštejna jość i dasłany jamu pa elektronnaj pošcie artykuł ź Vikipiedyi pra historyju jaŭrejaŭ u Biełarusi.
Čytajcie taksama:
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
Na fota z fajłaŭ Epštejna brytanskaha prynca Endru źniali na kaleniach pierad lažačaj žančynaj
Apublikavany try miljony fajłaŭ Epštejna: što novaha i ci buduć jašče?