Piensijanierka pa telefonie «aformiła» elektronnuju miedkartu i stała «ahientam śpiecsłužbaŭ»
74‑hadovaja minčanka straciła tysiačy dalaraŭ i paŭdzielničała ŭ złačynnaj schiemie. Machlary nastolki zabłytali žančynu, što jana pahadziłasia vykanać rolu «ahienta śpiecsłužbaŭ».
U Kastryčnickaje RUUS stalicy źviarnułasia 74‑hadovaja minčanka, jakoj na haradski telefon patelefanavała nibyta supracoŭnica palikliniki. Nieviadomaja paviedamiła, što ŭstanova pierachodzić na elektronnuju formu vydačy miedkart i dla afarmleńnia patrabujucca jaje danyja, raspaviadaje presavaja słužba minskaj milicyi.
Dalej piensijaniercy pa videasuviazi patelefanavaŭ nibyta pravaachoŭnik, jaki paviedamiŭ — jana stała achviaraj ašukancaŭ, i pierakanaŭ akazać sadziejničańnie ŭ sakretnaj apieracyi.
Dla hetaha jon zahadaŭ pajechać u inšy horad na taksi i zabrać z čužoj paštovaj skryni skrutak.
Vykanaŭšy ŭsie ŭkazańni, žančyna viarnułasia ŭ Minsk i sustrełasia z kurjeram. Nieznajomcu jana pieradała čužuju pasyłku i svaje 4 tysiačy dołaraŭ ZŠA, dumajučy, što dekłaruje ich.
Praź niejki čas minčanka zrazumieła — jaje padmanuli, i źviarnułasia ŭ milicyju.