Cana na zołata nabliziłasia da 5600 dalaraŭ za uncyju
Zołata ŭ čaćvier praciahvaje svajo imklivaje rali i dasiahnuła rekordnaha ŭzroŭniu — krychu nie daciahnuŭšy da $5 600 za ŭncyju, bo inviestary šukali biaśpiečnyja aktyvy na fonie hieapalityčnaj i ekanamičnaj niavyznačanaści, u toj čas jak srebra amal pierasiahnuła adznaku $120, piša Reuters.
Fota: Osaka / Wayne Studio / Getty Images
Spotavaja cana na zołata padskočyła da $5 538,69 za ŭncyju pa stanie na 06:49 pa Minsku, paśla taho jak raniej byŭ zafiksavany rekord $5 591,61.
Lutaŭski fjučars kaštuje 5405 dalaraŭ.
«Rost zapazyčanaści ZŠA i niavyznačanaść, vyklikanaja prykmietami taho, što hłabalnaja handlovaja sistema raskołvajecca na rehijanalnyja błoki, adychodziačy ad madeli, aryjentavanaj na ZŠA, padšturchoŭvajuć viadučych inviestaraŭ układvacca ŭ zołata», — skazaŭ analityk Marex Edvard Mieir.
U siaredzinie śniežnia zołata kaštavała 4500 dalaraŭ za uncyju, u hety paniadziełak, 26 studzienia, jano ŭziało płanku 5000 dalaraŭ i pačało daražeć šalonymi tempami: aŭtorak — 5100, sierada ranicaj — 5200, sierada (dzień) — 5300 dalaraŭ.
Za hety miesiac zołata padaražeła na 22 pracenty, za ŭvieś 2025 hod rost skłaŭ 64 pracenty.