Cichanoŭskaja zaklikała dapamahać niezaležnym biełaruskim ŚMI danatami
Demakratyčnaja lidarka vykazałasia pra dapamohu biełaruskim niezaležnym miedyja.
Fota: pres-słužba Śviatłany Cichanoŭskaj
«Na minułym tydni, znachodziačysia ŭ Davosie, ja asabliva šmat dumała pra toje, jak važna dla nas mieć svoj hołas. Hołas, jaki pakazvaje realnaść, u jakoj my žyviom. Hetym hołasam čaściej za ŭsio dla nas źjaŭlajucca biełaruskija niezaležnyja ŚMI i ludzi, jakija štodnia, niahledziačy na cisk, ryzyki i vyhnańnie, praciahvajuć raskazvać pra Biełaruś i dla Biełarusi. Jany zachoŭvajuć i raspaŭsiudžvajuć praŭdu. A nam vielmi važna zachavać ich», — napisała jana.
«Tamu kali ŭ vas jość mahčymaść — kali łaska, padtrymlivajcie biełaruskija miedyja. Navat nievialiki danat — heta vialiki ŭniosak. Svabodnaja Biełaruś pačynajecca sa svabodnaha słova. I ja vielmi ŭdziačnaja kožnamu i kožnaj, chto dapamahaje jaho zachavać»: — zaznačyła Śviatłana Cichanoŭskaja.