Politico: Premjer Słavakii byŭ šakavany psichałahičnym stanam Trampa
Premjer-ministr Słavakii Robiert Fica paśla sustrečy z Donaldam Trampam u jaho majontku Mar-a-Łaha ŭ Fłarydzie 17 studzienia byŭ šakavany psichałahičnym stanam prezidenta ZŠA.
Fota: Chip Somodevilla / Getty Images
Pra heta słavacki palityk raspavioŭ lidaram Jeŭrapiejskaha sajuza, piša Politico sa spasyłkaj na piać jeŭrapiejskich dypłamataŭ.
Usie krynicy zajavili, što nie viedajuć padrabiaznaściaŭ, z-za čaho ŭ Fica skłałasia takoje mierkavańnie. Adnak adzin ź jeŭrapiejskich dypłamataŭ padkreśliŭ, što premjer Słavakii, vidavočna, byŭ «traŭmavany» sustrečaj z Trampam i zajaviŭ, što respublikaniec «nie ŭ sabie».
U Biełym domie infarmacyju pra stan amierykanskaha prezidenta abvierhli.
«Heta absalutna fejkavyja naviny ad ananimnych jeŭrapiejskich dypłamataŭ, jakija sprabujuć zastavacca aktualnymi. Sustreča ŭ Mar-a-Łaha prajšła pazityŭna i praduktyŭna», — zajaviła pradstaŭnica Biełaha doma Anna Kieli.