Ź Minieapalisa, achoplenaha pratestami, źjeduć staršy kamandzir Pamiežnaj słužby i častka ahientaŭ
Pra heta sa spasyłkaj na ŭłasnyja krynicy paviedamlajuć Atlantic, a taksama Reuters i Associated Press. Pavodle słoŭ adnaho z surazmoŭcaŭ Reuters, nieŭzabavie paśla hetaha staršy kamandzir Pamiežnaj słužby Hreh Bavina pojdzie na piensiju.
Fota: Richard Tsong-Taatarii/The Minnesota Star Tribune
Krytyka na adras Baviny ŭzmacniłasia ŭ apošnija dni na fonie jahonych zajaŭ u abaronu fiederalnych ahientaŭ, jakija padčas pratestaŭ u Minieapalisie zastrelili miascovaha žychara Aleksa Preci.
Napiaredadni Donald Tramp paviedamiŭ, što dla ŭzajemadziejańnia ź miascovymi ŭładami nakiroŭvaje ŭ Miniesotu «cara miežaŭ» Toma Chomana. Jon kuryravaŭ departacyi pry administracyi demakrata Baraka Abamy i ličycca bolš strymanym i palityčna adčuvalnym kiraŭnikom, čym Bavina. Pry hetym u Biełym domie adznačyli, što Bavina praciahnie vykonvać svaje abaviazki.
Tramp taksama paviedamiŭ, što pravioŭ «vielmi dobryja» razmovy z hubiernataram Miniesoty Cimam Uołcam i meram Minieapalisa Džejkabam Frejem (abodva — demakraty).
Pavodle słoŭ Trampa, z Uołcam jany «apynulisia na adnoj chvali», a ŭ ofisie Freja zajavili, što prezident pahadziŭsia: ciapierašniaja situacyja nie moža praciahvacca.