Pažar na Biarozaŭskaj DRES paškodziŭ kamunikacyjnyja kabieli
Na Biarozaŭskaj DRES u Biełaaziorsku adbyŭsia pažar, jaki byŭ apieratyŭna likvidavany supracoŭnikami MNS.
Skrynšot ź videa
Kali ratavalniki prybyli na abjekt na vulicy Šašejnaj, jany zaŭvažyli dym, što išoŭ z-pad hazaturbinnaj ustanoŭki. Ahoń paškodziŭ kamunikacyjnyja kabieli, adnak, na ščaście, nichto nie paciarpieŭ. U tušeńni pažaru byli zadziejničanyja dzieviać adzinak śpiectechniki.
Biarozaŭskaja DRES źjaŭlajecca adnym z samych maštabnych enierhietyčnych abjektaŭ u Biełarusi. Jana zabiaśpiečvaje elektryčnaściu ahulnuju enierhasistemu, a taksama adkazvaje za aciapleńnie žyłych damoŭ i pradpryjemstvaŭ Biełaaziorska. DRES pracuje pieravažna na hazie i maje ŭ svaim składzie niekalki mahutnych enierhabłokaŭ, a taksama dadatkovyja reziervovyja krynicy enierhii i katły.