Pravierka hatoŭnaści Uzbrojenych sił budzie prachodzić da viasny
Pra heta Alaksandr Łukašenka zajaviŭ na naradzie pa pytańniach stvareńnia adukacyjnaha centra padrychtoŭki kadraŭ pierśpiektyŭnych napramkaŭ, piša BiełTA.
Fota: Minabarony
Łukašenka nahadaŭ, što zaraz z 16 studzienia pravodzicca pravierka Uzbrojenych sił. «Jana budzie prachodzić u hetych surjoznych umovach da viasny», — zajaviŭ jon.
Łukašenka taksama adznačyŭ, što zaraz «prosta ŭsie pajechali dacham» ad bieśpiłotnych latalnych aparataŭ. «Cełyja zavody, fabryki vypuskajuć. I nie tolki ŭkraincy i rasijanie, jakija siońnia ź ich dapamohaj vajujuć. I jany davoli efiektyŭna vajujuć», — adznačyŭ Alaksandr Łukašenka.
Jon zadaŭsia pytańniem, nakolki sapraŭdy dapamohuć Biełarusi bieśpiłotnyja latalnyja aparaty, kali brać vajennyja dziejańni?
«Vielmi jany nam dapamohuć u lasista-bałotnaj miascovaści? Asabliva ŭ lesie. U stepie, pustyni ŭsio jak na dałoni: «ptušku» (havorka pra BPŁA) zapuściŭ, metu znajšli — atakujem, ničoha nie pieraškadžaje. A jak u lesie? Znoŭ ža, heta maje razvažańni», — skazaŭ jon.