19‑hadovy minčuk schavaŭ dla machlaroŭ pad jełkaj u parku hrošy i prysypaŭ śnieham
Na mabilny telefon minčancy patelefanavali nieviadomyja i pad vyhladam zamieny damafona pierakanali jaje pradyktavać kod z SMS-paviedamleńnia.
Paźniej z žančynaj źviazalisia nibyta ź milicyi. Jany paviedamili, što źviestkami zavałodali machlary, jakija ad jaje imia ažyćciaŭlajuć niezakonnyja finansavyja apieracyi.
Pad pahrozaj vobšuku ŭ kvatery i kanfiskacyi hrošaj žančynu ŭhavaryli zadekłaravać najaŭnyja srodki. Jana pieradała kurjeru bolš za 13 tysiač rubloŭ u ekvivalencie, paśla čaho ź joj pierastali vychodzić na suviaź.
Supracoŭniki milicyi zatrymali kurjera — 19‑hadovaha minčuka, jaki raniej sam staŭ achviaraj machlaroŭ. Kab «paźbiehnuć kryminalnaj adkaznaści», małady čałaviek vykonvaŭ ukazańni: naviedaŭ piać adrasoŭ u stalicy, dzie zabraŭ hrošy. Častku hatoŭki jon pieradaŭ pasredniku, astatniaje schavaŭ pad jełkaj u parku, prysypaŭšy śnieham.
Zatym kala tajnika zatrymali 51‑hadovuju minčanku. Žančyna pa ŭkazańni afierystaŭ źbirałasia zabrać hrošy i čakać dalejšych instrukcyj.
Machlary pierakanali minčanku ŭ tym, što jana moža stać fihurantkaj kryminalnaj spravy, tamu jana staranna vykonvała ŭsie ŭkazańni «kurataraŭ». Žančyna paśpieła naviedać dva adrasy, dzie zabrała 8 tysiač rubloŭ i kaštoŭnaści.