U Biełarusi pabudavali dziciačy sadok u styli Lego FOTY
U Novaj Baravoj pad Minskam uviali ŭ ekspłuatacyju piaty dziciačy sadok. Jon raźličany na 240 dziaciej i nazyvajecca «Kubiki», piša vydańnie Myfin.
Vizualna budynak nahadvaje hihanckuju karobku kanstruktara, a ŭvachodnyja hrupy vykananyja jak vielizarnyja, hatovyja da zborki detali Leha.
Interjery vytrymanyja ŭ adzinaj stylistycy, jany aformlenyja ŭ tematycy pryrodnych zonaŭ: les, tropiki, mora, pustynia. U kožnaj hrupie namalavanyja źvieraniaty, jak byccam sabranyja z kubikaŭ.
Akramia 12 hrup, raźličanych na 240 dziaciej, u dziciačym sadku jość miedycynski błok ź izalavanymi pakojami dla prychvarełych małych i asobnym uvachodam, kabiniet nastaŭnika-defiektołaha. Jość charčabłok sa śpiecyjalnym padjomnikam na 2‑hi i 3‑ci pavierchi i lift.
Taksama dla biaśpieki dziaciej pa pierymietry budynka ŭstanoŭlenaja sistema videanazirańnia. Akramia hetaha, u dziciačym sadku ŭ poŭnaj stupieni realizavana biezbarjernaje asiarodździe.
Čytajcie taksama:
U Minsku źjavicca dziciačy sadok u styli dziciačaha kanstruktara
«Ja razumieju, što možna zrabić kopiju krasovak…» Rasijanie spłahijacili minski dziciačy sadok
Ciapier dziaciej možna pastavić anłajn na ŭlik u dziciačym sadku