Biełarusu nie dali zavieźci ŭ krainu rarytetny farfor
Hramadzianin Biełarusi sprabavaŭ niezakonna ŭvieźci z Polščy vyraby z farforu, častka jakich akazałasia kulturnymi kaštoŭnaściami. Parušeńnie było vyjaŭlena mytnikami ŭ punkcie propusku «Brest», paviedamlaje Dziaržaŭny mytny kamitet.
45‑hadovy kiroŭca vybraŭ dla pierasiačeńnia miažy zialony kalidor, jaki praduhledžvaje adsutnaść tavaraŭ dla dekłaravańnia. Adnak padčas ahladu aŭtamabila i bahažu było znojdziena bolš za 15,5 kiłahrama farforavych vyrabaŭ — fihurki, posud, padśviečniki i śviacilniki.
Pavodle zaklučeńnia ekśpiertaŭ Mytnaj łabaratoryi, piać pradmietaŭ, vyrablenych bolš za paŭstahodździa tamu, byli adniesienyja da katehoryi kulturnych kaštoŭnaściaŭ.
Mužčyna rastłumačyŭ, što ŭ Polščy nieznajomy čałaviek paprasiŭ jaho pieravieźci hetyja rečy praź miažu za ŭznaharodu ŭ pamiery 150 rubloŭ.
Pa hetym fakcie Bresckaja mytnia raspačała administracyjny praces pavodle č. 2 art. 15.1 KaAP Respubliki Biełaruś. Artykuł praduhledžvaje štraf da 30 bazavych vieličyń z mahčymaj kanfiskacyjaj tavaraŭ.
Farforavyja vyraby ahulnym koštam bolš za 28 tysiač rubloŭ byli kanfiskavanyja da vyniasieńnia sudovaha rašeńnia.
Čytajcie taksama:
Mytniki raskazali, što ciapier ź janotam-nielehałam, jaki prypłyŭ u Biełaruś z ZŠA
Biełarus try hady ŭvoziŭ mašyny z-za miažy pa padroblenych dakumientach
U Polščy zatrymali biełarusa z padsankcyjnaj nadzimanaj łodkaj
U Salečnikach zatrymali biełarusa z cyharetami na 217 tysiač jeŭra