Łatvija zakryvaje rehularnyja aŭtobusnyja rejsy ŭ Biełaruś
Zamiest pramoj zabarony na pajezdki ŭłady krainy vyrašyli nie padaŭžać licenzii na pieravozki.
Ilustracyjnaje fota Onliner.by
Łatvija spyniaje rehularnyja aŭtobusnyja rejsy ŭ Biełaruś i Rasiju. Padrabiaznaści paviedamlaje Infotrans Media Belarus.
Zamiest pramoj zabarony na pajezdki ŭłady krainy vyrašyli nie padaŭžać licenzii na pieravozki. Heta značyć, što jak tolki licenzii skončacca, aŭtobusnyja maršruty buduć zakrytyja.
Raniej Ministerstva suviazi Łatvii daručyła Aŭtatranspartnaj dyrekcyi padrychtavać pravavoje abhruntavańnie dla hetaj miery. Ciapier rehularnyja aŭtobusnyja pieravozki ŭ Biełaruś ažyćciaŭlajuć kampanii Latlines i Dautrans.
Licenzija kampanii Dautrans na maršrut u Viciebsk skančajecca 31 studzienia 2026 hoda. Licenzija Latlines na maršrut u Minsk skončycca 26 lutaha, a maršrut u Homiel, jaki prachodzić praz Połack, Viciebsk, Oršu i Mahiloŭ, spynić svajo isnavańnie 27 červienia hetaha hoda.
Z 1 listapada 2025 hoda pa 31 kastryčnika 2026 hoda Łatvija ŭviała abmiežavańni na mižnarodnyja nierehularnyja aŭtobusnyja pieravozki ŭ Rasiju i Biełaruś. Hetyja abmiežavańni datyčacca ŭsich pieravozčykaŭ, niezaležna ad krainy rehistracyi ich transpartu.