Fiermieru i muzykantu ź Minska dali try hady kałonii za toje, što pisaŭ u Hajun

Ivan Falitar — arhanizatar śviataŭ, jaki ŭ apošnija hady ŭ dadatak razvodziŭ ptušku.

Ivan Falitar. Fota ź jahonaj staronki Ukantakcie

Ivanu Falitaru 48 hadoŭ. Jon skončyŭ Minski dziaržaŭny mašynabudaŭničy kaledž u 1996 hodzie. Doŭhi čas Ivan zajmaŭsia arhanizacyjaj i praviadzieńniem śviataŭ, byŭ zasnavalnikam minskaj studyi «MiF». Na jahonym rachunku sotni viasiellaŭ, vypusknych viečaroŭ i karparatyvaŭ. U jaho było IP u śfiery fatahrafii, jakoje z 2018 hoda znachodzicca ŭ pracesie likvidacyi.

Paźniej Ivan jašče zaniaŭsia fiermierstvam. Jon staŭ razvodzić ptušku i pradavać miasa indyčki na minskaj Kamaroŭcy.

Ivan Falitar pradaje indyčku na Kamaroŭcy ŭ Minsku. Fota ź instahrama

Falitar taksama zajmajecca muzykaj: sam prydumlaje i zapisvaje treki, a taksama robić aranžyroŭki trekaŭ i bity dla inšych muzykantaŭ. Udzielničaŭ u muzyčnym prajekcie «Bieły i Karancin».

Ivana zatrymali 10 červienia 2025 hoda. Jaho sudzili ŭ Minskim haradskim sudzie pavodle dźviuch častak artykuła 361‑4 KK («sadziejničańnie ekstremisckaj dziejnaści»). Prysud byŭ vyniesieny 17 kastryčnika 2025 hoda: try hady kałonii.

Pravaabaroncy źviazvajuć jaho pieraśled sa spravaj Hajuna. Z 16 studzienia 2026 hoda Ivan adbyvaje termin u babrujskaj kałonii №2.

Ivana Falitara doma čakajuć žonka i dačka.

Kamientary da artykuła