Źjaviłasia VIDEA, jak francuzskija vajskoŭcy biaruć na abardaž tankier rasijskaha cieniavoha fłotu

Kadry žurnalistam pieradali Uzbrojenyja siły Francyi, paviedamiŭ telekanał LCI.

Skrynšot ź videa

Na videa bačna, što sudna Grinch ŭ Mižziemnym mory zachoplivajuć spakojna i vielmi prafiesijna. Prezident Francyi Emanuel Makron zajaviŭ, što ŭsio było zroblena ŭ adpaviednaści z zakonam i mižnarodnymi kanviencyjami.

Zatrymańnie adbyłosia 22 studzienia ŭ mory Albaran — na zachadzie Mižziemnaha mora, niedaloka ad Hibrałtarskaha praliva. Apieracyja pravodziłasia na padstavie art. 110 Kanviencyi AAN ab marskim pravie i mieła na mecie pravierku sapraŭdnaj prynaležnaści sudna, bo jaho padazravali ŭ vykarystańni falšyvaha ściaha. 

Tankier ruchaŭsia pad ściaham Kamorskich astravoŭ, pad jakim jon pakazvaŭsia i na sajtach adsočvańnia marskoha ruchu. Tankier rehularna dastaŭlaŭ naftu ŭ porty Kitaja i Indyi. U brytanskim śpisie tankieraŭ cieniavoha fłotu Rasii jon viadomy pad nazvaj Grinch, a ŭ jeŭrapiejskim i amierykanskim — jak Carl.

Kamientary da artykuła